SpaceX raketasi vayronalari Avstraliya qo‘yxonalarida topildi

Yangi Janubiy Uels (Avstraliya) tog'larida kosmik kemaning qoldiqlari topildi. Avstraliya kosmik agentligi ularning SpaceX raketasiga tegishli ekanligini allaqachon tasdiqlagan. Avstraliya Milliy Universiteti Fanlar kolleji astrofiziki Bred Takerning aytishicha, vayronalar 1979 yilda G'arbiy Avstraliyaning janubi-g'arbiy qismida NASA Skylab kosmik stantsiyasining qismlari Yerga qulaganidan beri Avstraliyadagi eng katta kosmik qoldiq bo'lishi mumkin.

Taxminan 3 metr uzunlikdagi eng katta bo'lak qo'yxonada erga yopishib qolgan. Ilgari o'sha hududda mahalliy fermerlar yana ikkita o'xshash bo'lakni topdilar.  Mahalliy aholining soʻzlariga koʻra, ular 9-iyul kuni osmonda yangragan portlashdan keyin vayronalarni topa boshlagan. Tadqiqotchilarning fikricha, bu SpaceX Dragon kosmik kemasining Yer atmosferasiga qayta kirishi bilan bog‘liq bo‘lgan.

“Agentlik bu SpaceX missiyasining vayronalari ekanligini tasdiqladi va amerikalik hamkasblarimiz hamda mahalliy hokimiyat organlari bilan hamkorlikni davom ettirmoqda”, dedi Avstraliya kosmik agentligi vakili.