Ilon Mask X offisida o‘z mashg‘ulotlarini namoyish etib, ijtimoiy medianing yangi xususiyatlarini e’lon qildi

Ilon Mask X platformasida foydalanuvchilarga kontent bilan muloqot qilish va keyingi videoga o‘tish imkonini beruvchi yangi video funksiyasini taqdim etdi.

Tadbirkor video funksiyasini yuqori baholab, u tez sur'atlar bilan yaxshilanayotganini ta'kidladi: “Ushbu platformadagi immersiv video juda yaxshi bo'lib bormoqda. Har qanday videoni bosing va davom etmoqchi bo'lganingizda yuqoriga suring."

Bundan tashqari, tadbirkor jonli video translyatsiyalar funksiyasini ishga tushirdi. Birinchi jonli videoni Ilon Mask 4-avgust, juma kuni erta tongda joylashtirdi. 50 soniyalik videoda Ilon Maskning kulayotganini, bir guruh hamkasblarini ko‘rsatayotganini, shuningdek, bisepsiga gantel ko‘tarayotganini ko‘rish mumkin. Video deyarli 19 million marta ko‘rilgan va millionlab “layk” to‘plagan.

Eslatib o'tamiz, milliarder Mark Sukerberg bilan jangga tayyorgarlikni davom ettirayotganini aytdi: «Men kun davomida og'irlik ko'taraman, jangga tayyorlanaman. Mashq qilish uchun vaqtim yo'q, shuning uchun ishga gantel olib keldim.

Tadbirkor jang X (Twitter) da translyatsiya qilinishini va barcha tushum xayriyaga yo‘naltirilishini va faxriylarga bag‘ishlanishini va’da qildi.