Ilon Mask Grok dasturchilaridan biri kompaniya sirlarini o‘g‘irlab, ChatGPT yaratuvchilariga berganini tasdiqladi.

Ilon Mask tomonidan asos solingan xAI kompaniyasi o‘zining sobiq muhandisi Xuechen Li ustidan Grok chatboti bilan bog‘liq tijorat sirlarini o‘g‘irlashda ayblab sudga murojaat qildi.

Kaliforniya federal sudiga berilgan arizaga ko‘ra, Li ChatGPT imkoniyatlaridan ustun bo‘lgan sun’iy intellekt texnologiyalari haqidagi maxfiy ma’lumotlarni o‘zining yangi ish beruvchisi - OpenAI kompaniyasiga bergan.

Da’voga ko‘ra, Li o‘tgan yili xAI’da ish boshlagan va Grok’ni ishlab chiqish va o‘qitishda ishtirok etgan. Kompaniyaning ta’kidlashicha, Li o‘zining tijorat sirlariga iyul oyida, OpenAI taklifini qabul qilib, xAI aksiyalarini 7 million dollarga sotganidan ko‘p o‘tmay kirgan. Maskning startapi bu sirlar OpenAI’ga ChatGPT’ni "xAI’ning yanada innovatsion sun’iy intellekti va ijodiy funksiyalari" yordamida kuchaytirish imkonini berishi mumkinligini aytdi.

XAI’ning ta’kidlashicha, Li fayllarni o‘g‘irlagani va o‘z harakatlarini yashirishga uringanini tan olgan. Keyinchalik uning qurilmalarida qo‘shimcha o‘g‘irlangan materiallar borligi aniqlangan.

xAI suddan pul kompensatsiyasi va Lining OpenAIga o‘tishini taqiqlashni talab qilmoqda. Ushbu da’vo davom etayotgan mojaroning bir qismiga aylandi: avvalroq Mask OpenAI’ni o‘z missiyasidan chetga chiqishda ayblagan edi, xAI esa OpenAI va Apple’ga qarshi yana bir da’vo arizasi bilan chiqdi va ularni Apple qurilmalaridagi chat-botlar bozorini monopoliya qilishda aybladi.